Туркия суди 4 март куни икки сурияликни беш одамнинг чўкиб ҳалок бўлишида иштирокчи сифатида айбдор деб топиб тўрт йилдан қамоқ жазосига ҳукм қилди.

Ҳалок бўлганлар рўйхатида жонсиз танаси қирғоққа чиқиб қолган Айлан Курдийнинг ҳам исми бор, деб хабар беради Dogan ахборот агентлиги.

Айнан ўша болакайнинг сурати ўтган йилнинг сентябрь ойида катта шов-шувларга сабаб бўлган, деярли бутун дунёнинг раҳмини келтирган ва албатта, муҳожирлар тақдирига муносабатни қайта кўриб чиқишга ундаган эди.

Тўлқинлар танасини Туркиянинг жануби-ғарбий қирғоғига чиқариб қўйган уч ёшли Айлан онаси ва акаси билан қайиқда Грецияга етиб олишга уринган муҳожирлар билан бирга ҳалокатга учраган.

Икки нафар сурияликнинг ҳар бирига онгли равишла ўлимга олиб келувчи ҳолатга сабаб бўлгани учун 4 йилу икки ойлик қамоқ жазоси тайинланди.

Айланнинг ўлимидан сўнг Сурия ва бошқа мамлакатлардан оқиб келаётган юз минглаб муҳожирлар муаммосининг янада кескинлашуви юзага келди.

Европа Иттифоқи Кенгаш раиси Дональд Туск душанба (7 март) куни бўладиган ЕИ саммити олдидан муҳожирлар муаммосини ҳал этишда яқинроқ ҳамкорликка эришиш мақсадида 4 март куни Туркияга ташриф буюрди.

Европа Иттифоқига аъзоликка даъво қилаётган Туркияни Европага ўтиш имконияти мавжудлиги сабаб қочқинларни ўз ҳудудига киритмасликка ундамоқда. Туркия Суриядаги фуқаролик уруши оқибатида беш йил ичида ўртача 2,5 миллион қочқинларни қабул қилган.