Миллиардер Илон Маскнинг Tesla компанияси моделлар қаторида нарх бўйича энг қуйи поғонани эгаллайдиган янги электромобили бўлмиш Tesla 3 модели 31 март кунида намойиш қилинади, деб хабар бермоқда Fortune нашри.

Автомобиль маркасининг клуб форумида Tesla 3 тақдимотига таклифнома чоп этилди. Бу тадбир Жанубий Калифорнияда ўтказилади.

Таъкидланишича, Маск автомобиль бозорининг ҳамёнбоп автомобиллар сегментига киришни режалаштирмоқда, чунки янги автомобилнинг нархи 35 минг долларни ташкил қилиши тахмин қилинган. Бу нарх Tesla S седани нархидан деярли икки баробар арзонроқни ташкил қилади.

Аввалроқ Bloomberg агентлиги электромобилларнинг кўплаб ишлаб чиқарилиши нефть нархининг янада пастлашига сабаб бўлишини маълум қилганди.