Манба: 200 нафарга яқин жангари ИШИДга исён кўтарган Раққа аҳолиси томонга ўтди

Жаҳон 07 Март 2016 7111

Суриянинг Раққа вилоятида ИШИДга қарши қўзғолон кўтарган аҳоли вакиллари сафига жангарилар ичидан қочиб келган 200 нафар атрофидаги ёлланма жангарилар келиб қўшилган. Бу ҳақда ўз манбасига асосланган ҳолда Sputnik агентлиги хабар тарқатган.

Бундан олдинроқ, исён натижасида ИШИДнинг Суриядаги маркази ҳисобланадиган Раққа шаҳрининг бир қатор туманларидан жангарилар сиқиб чиқарилиб, ҳукумат байроқлари осилгани маълум бўлганди.

Sputnik нашрининг манбаси хабарига кўра, Раққа аҳолиси тўқнашувлар давомида жангариларни яна 5та тумандан сиқиб чиқариб, туман марказларига Сурия байроқларини ўрнатишган. Маълум қилинишича, исёнчилар Сурия қўшинлари билан алоқада бўлиб турибди.

Шаҳар аҳолиси 6 мартга ўтар кечаси намойишга чиқишганди. Шундан сўнг исён бошланиб, қуролли тўқнашувлар натижасида ИШИДнинг кўплаб жангарилари ўлдирилган.

Фрот дарёси ёқасида жойлашган бу шаҳар ИШИД ва «Жибҳат ан-Нусра» гуруҳлари томонидан 2013 йил мартида назорат остига олинган эди. Шундан бери Сурия ҳукумати бу шаҳарни қайтариб олиш учун ҳаводан ва қуруқликдан бир неча марта кенг кўламли ҳужумлар амалга оширган, лекин мақсадга эриша олмаган.

Шу билан бир вақтда Сурия шимолидаги Ҳалаб шаҳрини ИШИДдан озод этиш учун курдлар ёрдамида ҳаракатлар олиб борилмоқда.

6 март куни курд аскарлари Тел-Абьяд шаҳрини ИШИД назоратидан озод қилган. Бу шаҳар учун жангда 43 нафар курд аскари ҳалок бўлган, ИШИДнинг йўқотиши эса 140 нафар бўлган.

Бундан олдинроқ, ИШИД назорати остидаги Дайр-аз-Зор шаҳридан 80 нафар ёлланма жангари қочиб кетгани хабар қилинганди.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95817 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46576 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51735 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9347 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20141 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 359 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 167 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 722 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 931 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 564 Жаҳон
Кўпроқ янгиликлар