Германия канцлери Ангела Меркель ва Туркия бош вазири Аҳмет Довудўғлу турк ҳукумати томонидан мухолиф Zaman газетасининг қўлга олингани ҳақидаги ахборотдан кейин Туркиядаги матбуот эркинлигини муҳокама қилдилар, деб хабар бермоқда Reuters ахборот агентлиги.

"Бу мавзу канцлер ва Туркия бош вазири ўртасидаги охирги музокаралар вақтида кун тартибида бўлди", деб айтди матбуот котиб Кристиан Вирц Германия ҳукумати матбуот-анжуманида.

Вирцнинг айтишича, матбуот эркинлиги "Германия ҳукумати учун катта аҳамиятга эга". Вирц Меркель ва Довудўғлу ўртасидаги музокара 6 мартда бўлиб ўтганини таъкидлаб ўтди.