Россиянинг Владимир шаҳри марказида шер боласи одам боласига ҳужам қилди. Бу воқеа ҳайвонот боғи ходими шерваччани кўчада айлантириб юрган вақтда рўй берган. Гувоҳлар бу ҳодисани видеога олишган.

Видеода кўриш мумкинки, кутилмаганда шервачча онасининг ёнида уни томоша қилиб турган болакайга ташланади. У болани қорга ағдариб, бўйнига чанг солган. Болакайни кийимлари қалинлиги йиртқич тишларидан омон сақлаган. Шерваччани етаклаб чиққан ҳайвонот боғи ходими уни болакай устидан тортиб олиб кетади ва калтаклайди. Болакай жароҳат олмаган бўлсада, қаттиқ қўрқиб кетган.

Гувоҳларнинг айтишича, бу шервачча одатда сайр вақтларида ўзини "сипо" тутган, фақат шу сафар унинг йиртқичлик инстинктлари уйғониб кетган.

Болакайнинг ота-онаси томонидан шикоят қилинмаган бўлсада, айни вақтда бу ҳодиса бўйича текширув олиб борилмоқда.