Сурия мухолифати органи бўлмиш музокаралар бўйича Олий қўмита вакили Риёд Наъсон Оғанинг маълум қилишича, мухолифатдагилар БМТ томонидан Женевада мамлакатдаги сиёсий беқарорликка барҳам бериш мақсадида 9 март куни ўтказилажак музокараларда иштирок этишга тайёр.

Унинг Рейтер агентлигига берган хабарига кўра, мухолифатдагилар сиёсий ўтиш босқичини муҳокама қилишни исташмоқда.

"Биз музокарага келган томонлар билан гаплашамиз", дейди у. Унинг қайд этишича, охирги кунларда ҳукумат қўшинлари томонидан ўт очишни тўхтатиш бўйича келишувнинг бузилиши ҳолатлари камайган.

Мухолифат вакилининг қўшимча қилишича, Сурия мухолифати пайшанба кунигача ўт очишни тўхтатиш бўйича келишувнинг бузилиши бутунлай бартараф бўлишига умид қилишади.

Эслатиб ўтамиз, 22 февраль куни Россия ва АҚШ Сурияда ўт очишни тўхтатишга келишиб олгани хабар қилинди. Келишувга кўра, ўт очишни тўхтатиш режими 27 февралдан бошлаб кучга кирди.