Украинанинг Москвадаги элчихонаси олдида 100 дан кўпроқ норозилар тўпланди. Улар элчихонага тухум ва помидорлар улоқтиришган. Бу акция Россиянинг Киевдаги элчихонасига уюштирилган ҳужумга жавобан ўтказилди.

Намойишчилар Россия элчихонасига уюштирилган ҳужумга қарши норозилик билдирмоқдалар. Улар "Бизнинг дипломатлардан қўлингни торт", деб ҳайқирмоқдалар. Уларнинг қўлларида "Киев хунтаси таъзирини ейди", "Украина сен касалсан. Ақлингни йиғ, нима қилмоқдасан" деган плакатлар бўлган.

ТАСС ахборот агентлиги маълумотларига кўра, элчихона олдида 150 га яқин одам тўпланиб, "Фашизмга йўл қўймаймиз" деган шиорни ҳайқирганлар.

Киевда 6 мартга ўтар кечаси ва 6 март кундузи Россия элчихонаси олдида намойишлар бўлиб ўтди. Кечаси намойишчилар элчихона биносига пиротехник воситалар ва файерлар улоқтирган ҳамда элчихона олдидаги автомобилларга зарар етказган.

Киевдаги Россия элчихонасига намойишчилар томонидан тухумлар улоқтирилди