Нью-Йоркнинг собиқ мэри Майкл Блумберг АҚШ президентлиги сайловида қатнашишдан бош тортди. Бу маълумот BloombergView’да эълон қилинган.

«Сайловолди пойгаларининг ҳозирги вазиятига назар соладиган бўлсак, айни дамда руспубликачиларнинг устуворлигини кўриш мумкин. Менинг номзодим катта эҳтимол билан Дональд Трамп ва Тед Круз билан рўбару бўлади. Мен бундай таваккалчиликка қўл ура олмайман», деб таъкидлаган у.

У, шунингдек, айни дамда давлат раҳбарлиги учун кураш олиб бораётган бирор-бир номзодни қўллаб-қувватлашга тайёр эмаслигини билдириб ўтган.