Бангладешда Ан-26 юк самолёти фалокатга учради. Самолёт бортида 4 нафар россиялик бўлган. Бу ҳақда Кокс-Базар шаҳри полицияси Аслам Ҳуссайн маълум қилди, деб хабар бермоқда bdnews24.com портали.

Дастлабки маълумотларга кўра, учувчи ҳалок бўлган, яна икки киши бедарак йўқолган. Иккинчи учувчи оғир жароҳатлар олган.

Ҳуссайннинг айтишича, Бангладешнинг True Aviation юк компаниясига тегишли бўлган самолёт Жессор ва Кокс-Базар туманлари орасида креветкалар ташиш учун қўллланган.

Шаҳар аэропорти бошлиғи Шадхан Кумар Мохантонинг айтишича, самолёт маҳаллий вақт билан соат 09:30 ларда Бангладеш соҳилларидан 5 км узоқликда денгизда фалокатга учраган.

Самолёт фалокатга учрагандан кейин қутқарув операцияси бошланган, унда маҳаллий соҳилбўйи қўриқлаш хизмати, қутқарув хизмати ва маҳаллий балиқчилар иштирок этмоқда.

Қутқарув хизматининг операцион директори Абдул Мажид соат 10:00 га яқин икки киши қутқарилгани ва Кокс-Базар шифохонасига еткзилганини айтган. Шифокорларнинг айтишича, улардан бири вафот этган, иккинчиси эса оғир аҳволда қолмоқда.

Фалокат сабаблари ҳозирча номаълумлигича қолмоқда.