Forbes журнали 8 мартга сайёрамизнинг энг бадавлат аёллари рўйхатини чоп этди

Жаҳон 09 Март 2016 13268

Forbes журнали 8 март – Халқаро хотин-қизлар куни муносабати билан инсониятнинг гўзал жуфтининг энг бой вакиллари рўйхатини чоп этди. 2016 йилги миллиардерлар рейтингидан 190 нафар аёл ўрин олди.

Бадавлат аёллар Forbes глобал рейтингининг 10 фоизидан сал кўпроғини ташкил қилади, ҳаммаси бўлиб бу рейтингда 1810 нафар сайёрамизнинг энг бадавлат одамлари номлари келтирилган. Сайёрамизнинг энг бой 100 кишиси рўйхатидан 8 аёл ўрин олган. Уларнинг умумий бойлиги 174,5 млрд долларни ташкил қилади. Қуйида энг бадавлат 5 аёл ҳақида маълумот берамиз.

93 ёшли франциялик Лилиан Бетанкур сайёрамизнинг энг бадавлат аёли ҳисобланади (глобал рейтингда 11-ўрин), унинг оиласи атир-упа ишлаб чиқарувчи гигант – L'Oreal компаниясининг 30 фоиздан кўпроқ акциясига эгалик қилади. Бу компанияга унинг отаси 1907 йилда асос солган. Лилиан Бетанкур отасининг 1957 йилдаги ўлимидан кейин ҳуқуқий жиҳатдан бу империянинг ягона вориси ҳисобланади. Лилиан Альцгеймер касаллигидан азият чекади, суд аёлга унинг катта набираси 25 ёшли Жан-Виктор Мейерни васий қилиб тайинлаган. Жан-Виктор компания бошқарувини ўз қўлига олган. Бетанкур 36,1 млрд долларлик бойликка эга.

Глобал рейтингнинг 16-ўринини 66 ёшли Элис Уолтон эгалламоқда. Унинг бойлиги 32,3 млрд долларни ташкил қилади. Элис Wal-Mart компаниясининг асосчиси Сэм Уолтоннинг қизи ҳисобланади. Сэм Уолтон бу супермаркетлар тармоғига 1962 йилда асос солган. Элис ўзининг укалари Роберт ва Жим Уолтондан фарқли ўлароқ, тадбиркорликдан анча йироқ бўлиб, коллекционерлик билан шуғулланади.

Энг бадавлат аёллар учталигини 76 ёшли Жаклин Марс (глобал рейтингда 23-ўрин) якунламоқда. Унинг бойлиги 23,4 млрд долларни ташкил қилади. Аёл дунёдаги энг йирик қандолатчилик компанияси "Mars"га эгалик қилувчи Марслар оиласининг 3-авлод вакиласи ҳисобланади. У бу компанияни икки укаси билан 1999 йилда отаси Форрест Марс вафотидан кейин мерос қилиб олган.

4-ўринни 98 ёшли монаколик Франка Фиссоло (глобал рейтингда 30-ўрин) эгалламоқда, унинг бойлиги 22,1 млрд долларни ташкил қилади. У "Ferrero" компанияси асосчиси, турмуш ўртоғи Мишель Ферреро 2015 йил февралда вафот этгандан кейин унинг бойлигини мерос қилиб олган.

Ва ниҳоят энг бадавлат аёллар рейтингида 5-ўринни 53 ёшли Сюзанна Клаттен (глобал рейтингда 38-ўрин) эгалламоқда. Германиялик аёл 18,5 млрд доллар бойликка эга. Сюзанна BMW автоконцернининг 12,6 фоиз акциясига эгалик қилади. Аёл онаси вафот этгандан кейин укаси Стефан Квандт билан BMW’нинг ярим акциясига эгалик қилади.

Москванинг собиқ мэри Юрий Лужковнинг рафиқаси Елена Батурина Россиянинг энг бадавлат аёли ҳисобланиб, у 1,1 млрд доллар бойлиги билан энг бадавлат одамлар рўйхатидан 1577-ўринни эгалламоқда. Дарвоқе, Батурина бугун, 9 мартда ўзининг 53 ёшини қаршилайди.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар