АҚШ ва Жанубий Корея томонидан Key Resolve ва Foal Eagle ҳарбий ўқув машғулотларининг бошланишига жавобан уларга огоҳлантирувчи ядровий зарбалар билан таҳдид қилган Шимолий Корея раҳбари Ким Чен Ин ихчам ядро каллаклари макети олдида суратга тушди. Бу ҳақда BuzzFeed хабар тарқатган.

Шимолий Кореядаги KCNA агентлиги хабарига кўра, суратда "ядро каллагининг миниатура кўриниши" тасвирланган. Бундай ядро каллаклари кичрайтирилиш эвазига, баллистик ракеталарга ўрнатишга яроқли бўлиши учун стандартлаштирилгани айтилган.

Таҳлилчилар эса шимолликларнинг бу тажрибаси муваффақиятга эришишига шубҳа билан қарамоқда. Улар шимолликлар бошқаларни қўрқитиш учун шундай тасвирларни тарқатганини таъкидлашмоқда.