Жиноятчилар Москва шаҳрининг жануби-ғарбида инкассация хизмати машинасидан 40 млн рубль атрофидаги пулни ўғирлаб кетишган. Бу ҳақда Москвадаги ҳуқуқ-тартибот органларига асосланиб, ТАСС ахборот агентлиги хабар тарқатган.

"Инкассация хизмати машинасига Вавилова кўчасида жойлашган 13-уй олдида ҳужум уюштирилган. Талончилар банкка тегишли бўлган катта миқдордаги маблағни ўмаришган ва Toyota русумли автомашинага миниб, воқеа жойидан яширинишган", дейди манба.

Полиция маълумотига кўра, айни вақтда махсус тергов гуруҳи воқеани ўрганмоқда. Шаҳарда ушбу жиноятчиларни тутиш учун махсус тадбир ўтказилмоқда.