Ўзбекистон Республикаси Вазирлар Маҳкамасининг 2016 йил 4 мартдаги фармойишига мувофиқ, ресбуплика бўйлаб ободонлаштириш ва кўкаламзорлаштириш ойлиги бошланди.

Ойлик доирасида Ўзбекистон Табиатни муҳофаза қилиш давлат қўмитаси ташаббуси билан Абдулла Қодирий номидаги маданият ва истироҳат боғида экологик акция ўтказилди. Тадбирда қўмита ходимлари, санъаткорлар, ёшлар, кенг жамоатчилик вакиллари иштирок этди.

Маълумотларга кўра, йигирма икки гектарга яқин майдонни эгаллаган боққа акция доирасида мевали ва манзаралари дарахт кўчатлари экилди. Бу ҳақида ЎзА хабар берган.

Тошкент шаҳар табиатни муҳофаза қилиш қўмитасидан маълум қилишларича, пойтахт маҳаллалари, хиёбонлари, кўчалар ва кўп қаватли уйлар атрофига март ойида уч юз минг тупдан кўпроқ дарахт, бута ва гул кўчатлари экиш режалаштирилган.