Интернет фойдаланувчилари ўзларининг iPhone’ларига 1970 йил 1 январь билан саналанган электрон мактублар ола бошлаганларидан шикоят қилишмоқда. Бу ҳақда The Telegraph нашри хабар бермоқда.

Ичи бўш, юборувчи манзили ва мавзу кўрсатилмаган мактублар почта мижозининг "Кирувчи мактублар" папкасида аксланмоқда.

2016 йил февраль ўртасида Reddit фойдаланувчилари iPhone смартфонини созламалардаги тизим санасини ўзгартириш билан бузиш усули ҳақида маълум қилгандилар. Агар санани 1970 йил 1 январга ўзгартирилса ва қурилма қайта юкланса, у компания логотипи аксланаётган пайтда осилиб қолиб, бошқа ёқилмайди. Бу муаммо A7 ва ундан янгироқ процессорларда ишловчи барча iPhone’ларда мавжуд. Бунда операцион тизимнинг версияси аҳамиятга эга эмас.

15 февралда Apple компанияси бу камчиликларни iOS операцион тизимининг янги версиясида бартараф қилишга ваъда берганди. Агар бу хато пайдо бўлса, смартфонлар эгаларига расмий сервис марказига мурожаат қилиш тавсия қилинмоқда, бу ерда смартфон уни аккумулятордан узиш йўли билан тузатилади.