Қирғизистон ҳукумати жорий йилнинг 3 март куни меҳнат қилиш учун Қирғизистонга келган, аммо фуқаролиги бўлмаган шахсларнинг сонини чекловчи меҳнат квотасини белгиловчи қарор қабул қилди. Унга кўра, 2016 йилда бу квота миқдори 14 490 киши этиб белгиланган.

Бу кўрсаткич 2015 йилда 12 900 киши этиб белгиланган эди. Мамлакатга келган хорижлик ишчилар орасида энг кўпи хитойликлар бўлиб, улар сони 2014 йилда 8449, 2015 йилда эса 9848 нафарни ташкил этган эди.

Бундан ташқари, ўтган йилда Қирғизистонга ишлаш учун келган фуқаролардан 825 нафари туркиялик, 243 нафари жанубий кореялик, 225 нафари покистонлик, 118 нафари россиялик, 105 нафари эса америкаликлар бўлган.