АҚШ ҳукумати Нью-Йорк тўғонига уюштирилган кибератака туфайли Эронга нисбатан расмий айблов тайёрламоқда. Бу ҳақда тергов ишлари билан яқиндан таниш расмий шахсларга асосланиб CNN хабар берди.

Хабарларга кўра, Адлия вазирлиги ушбу ҳужумни ташкиллаштиришга алоқадор бўлиши мумкин бир неча шахсга нисбатан айблов ҳукмини тайёрлаган.

2013 йили содир бўлган кибератака тўғон фаолиятини бошқарувчи операцион тизимга эмас, бэк-офисга йўналтирилган. Шунга қарамай, воқеа жиддий қабул қилинди, зеро, АҚШ инфратузилмаси киберхавфсизлигига таҳдид қилинган эди.

Обама маъмурияти айблов эълони билан келгуси ҳафтада чиқиш қилади.