Бирлашган миллатлар ташкилоти Хавфсизлик кенгаши Ливияга ноқонуний қурол олиб кирилиши тўғрисидаги докладни таҳлил қилади.

Маъруза муаллифларининг эътирофича, бир қатор мамлакатлар Ливияга қурол олиб киришни тақиқловчи қонунни қайта-қайта бузмоқдалар. Хусусан, БАА, Миср ва Туркия транзит билан ҳарбий қурол-аслаҳалар партиясини Иордания орқали юборганлар.

Бундан ташқари, давлат бошқарувига яқин баъзи ташкилот ва шахслар ушбу ноқонуний амалиётларда иштирок этганлар, деб хабар беради The Wall Street Journal.

Мазкур ҳужжат БМТ Хавфсизлик кенгашига етказилган ва тез орада оммага маълум қилинади. Кенгаш қонун бузганларга нисбатан қандай чора кўриш ҳақида қарор қабул қилиши лозим.

Ливияда жанг олиб бораётганларга қурол етказиб бериш 2011 йили тақиқланган.