Финляндия парламенти яқин ҳафталар ичида мамлакатни евроҳудуддан чиқиб кетиши масаласини кўриб чиқади. Бу ҳақда Reuters хабар берган.

Маълум қилишларича, ўтган йили Финляндияни евроҳудуд аъзолиги борасида миллий референдум ўтказиш борасидаги арзнома 53 минг овоз олди. Бу эса мамлакатни бу масалани парламентда кўриб чиқишига етарли ҳисобланади.

“Бу масала парламентда айнан қачон кўриб чиқилиш санаси номаълум бўлсада, аммо яқин ҳафталар ичида кўриб чиқилади”, — деди мамлакат парламенти котиби Йоханна Сархимаа.

Европарламент аъзоси Пааво Вяюрюненнинг айтишича, мамлакатнинг евроҳудуддан чиқиб кетиши, Финляндияни ўз валютасини жорий этишига, бу эса, ички иқтисодиётнинг ўсишига олиб келади.