АҚШ президенти Барак Обама сайловлардан кейин мамлакатни тарк этиб, Канада ҳудудига ўтиб кетишни режалаштирган америкаликлар ҳақида билишини айтди. Бу ҳақда у Канада бош вазири Жастин Трюдо билан учрашувидан кейин ўтказилган матбуот анжумани вақтида маълум қилган.

Бундан олдинроқ, АҚШ президентлиги учун сайловда республикачилар партиясидан номзод бўлган Дональд Трампнинг дастлабки сайловлардаги муваффақиятларидан кейин америкаликлар Google орқали Канадаги кўчиб ўтиш имкониятлари бўйича сўровлар бериши кўпайгани ҳақида хабар берилганди.

Обама матбуот анжумани вақтида Трампни эсламаган. Лекин у АҚШда ҳар сафар президентлик сайлови вақтида "канадалик дўстлар рақиб партияси сайловда устун келадиган америкаликларга бошпана таклиф этишни канда қилмаслиги" ҳақида гапирган.

Обама шунингдек, Канада бош вазири билан бу юзма-юз кўришишидан кейин барчаси яхши бўлишини қўшимча қилган. Унинг бу гапи йиғилганлар орасида енгил кулги келтириб чиқарган.