Тошкент ва Остона 2020 йилга қадар Қозоғистонда ишлаб чиқариладиган бир қатор маҳсулотларга қўйиладиган акциз солиғи миқдорини босқичма-босқич камайтириб бориш тўғрисида келишувга эришди. Бу ҳақда Қозоғистон бош вазири ўринбосари Бакитжон Сагинтаев хабар қилмоқда.

Маълумотга кўра, Остона шаҳрида ўтказилган икки томон учрашуви вақтида кўплаб масалалар, жумладан, Ўзбекистон ва Қозоғистон ўртасидаги савдо-иқтисодий муносабатлар ҳам кўриб чиқилди.

Сагинтаевнинг таъкидлашича, Қозоғистон миллий иқтисодиёт вазирлиги ва Ўзбекистон Ташқи иқтисодий алоқалар вазирлиги мутахассислари 10 март куни ўзаро товар айирбошлашни яхшилаш мақсадида зарур товарлар рўйхатини тузишга келишиб олишди.