Туркияда номаълум сармоячи Истанбул биржасига қўрқув солмоқда

Жаҳон 11 Март 2016 384

Туркияда номаълум сармоячи Истанбул фонд биржасига қўрқув солмоқда. Бозорнинг баъзи иштирокчилари уни "балойи азим" (The dude) деб ҳам номлашга улгуришди. "Балойи азим" катта ставкалар қилмоқда, унинг инвестицион ҳаракатларини эса қолган иштирокчилар тушунтира олишмаяпти. Бу орада "балойи азим" бозорни нафақат ўзининг хатти-ҳаракатлари, балки битимлар ҳажми билан ҳам қўрқитмоқда. Бу битимлар гоҳида бозор бўйича ўртача кўрсаткичлардан бир неча бор кўпроқни ташкил қилмоқда, деб хабар бермоқда Bloomberg агентлиги.

"Балойи азим" савдоларда ярим йил аввал пайдо бўлган, у ўзининг биринчи кунидаёқ 450 млн долларлик битимлар амалга оширган, бу эса бир кунда бозорда амалга ошириладиган битимлар ўртача миқдоридан икки баробар кўпроқни ташкил қилади. Номаълум сармоячи ҳанузгача борган сари кўпроқ хатарли битимлар амалга оширмоқда ва бу билан қолган иштирокчиларни қўрқитмоқда, чунки улар унинг "яна қачон бозорга зарба беришини" билмаяптилар.

Бошқа сармоячилар сирли сармоячини аниқлай олмаяптилар. Мисол учун, Istanbul Portfolio компаниясидан бўлган Тургай Озанер "балойи азим"ни аниқлаш мақсадида ҳар куни савдолар натижалари ҳақидаги ҳисоботларни кузатмоқда, бироқ ҳозирда бунинг уддасидан чиқа олмаяпти.

"Ҳеч ким ҳеч нарсани билмаяпти. Ва бу биз одатда ҳамма нарсадан хабардор бўладиган Туркияда содир бўлмоқда", деб айтмоқда Озанер.

"Балойи азим" мантазам равишда брокерлик идорасини ўзгартирмоқда, бу эса уни қидиришни қийинлаштирмоқда. Ҳозирда у Yatirim Finansman орқали савдо қилаётгани маълум. Бунинг натижасида аввал 2 фоиздан кўпроқ савдо ўтказмаган кичик компания ҳозир бозор етакчиси UBS’дан ўзиб кетди.

"Унинг "чўнтаклари" қолган иштирокчиларникига нисбатан шунчалик каттаки, у бозорни ўзи истаганча бошқариши мумкин", деб аччиқланиб гапирмоқда Ak Portfoy раҳбари Керем Байкал.

Бозор иштирокчилари "балойи азим"нинг фаоллигини у савдо роботларини ишлатиши билан боғлашмоқда. Истанбул биржаси 2015 йилда одамлар ўрнига алгоритмларни ишлатишни афзал кўрадиган фирмаларни жалб қилиш мақсадида маълумотларни қайта ишловчи марказни ишга туширган.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 38647 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14106 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 90953 Ўзбекистон
Кекса немис Исландияга эски тракторда саёҳатга жўнади
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 471 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 2331 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 3319 Жамият
Барселонадаги теракт гумондорлари қўлга олинди
23:20 / 17.08.2017 1495 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 3701 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 674 Технология
Кўпроқ янгиликлар