Хитойнинг Ганьсу қишлоғида яшовчи фермер “Трансформерлар” кинофильмининг қаҳрамонларидан бири бўлган Бамблбининг (қовоғари) улкан моделини ўз қўллари билан териб чиқди. У ўз уйининг кираверишида оғирлиги икки тоннага тенг келувчи ҳайкални ясаган. Бу ҳақда South China Morning Post хабар берган.

Трансформер пўлат ва ўт ўчиргич ёрдамида мотоцикл ва автомобилнинг қисмларидан яратилди. Қовоғари танасининг узунлиги 6,8 метрни ташкил этиб, унинг елка кенглиги 2,9 метрга тенг. Бу моделни яратиш учун тўрт ой вақт сарфланди.

Нашрнинг қайд этишича, “Трансформерлар” илмий-фантастик киноэпопеяси Хитойда жуда ҳам машҳур бўлиб, ганьсулик фермер ушбу ҳайкални ўз уйида барпо этган биринчи маҳаллий мухлисга айланди.

Бамблби (қовоғари) “Трансформерлар”нинг жуда ҳам таниқли қаҳрамонларидан бири ҳисобланиб, у автоботлар қароргоҳига тегишли. У корпусининг ранги қора ва сариқдан иборат бўлгани учун “қовоғари” деган лақабини олган.