«Алтин» заргарлик холдинги вице-президенти Антонина Бабосюк Россия ФХХ (федерал хавфсизлик хизмати)дан суд орқали 70 мингдан зиёд тилла буюмни қайтариб беришини сўради. Бу ҳақида унинг адвокати Татьяна Ножкина хабар берди.

Унинг сўзларига кўра, ҳимояланувчисига фақатгина ашёвий далиллар орқали бекор қилинган маҳсулотлар қайтарилган. Қонун бўйича эса судгача ишлаб чиқариш жараёнида олиб қўйилган барча буюмлар қайтарилиши зарур.

Бабосюк ўз шикоятида таъкидлашича, тинтув ва текширув протоколига асосан унинг мусодара қилинган заргарлик буюмлари 425 823тани ташкил этган, ашёвий далилларда эса 354 922 маҳсулот қайд этилган. Шундай экан, мусодара қилинганлар ичида ашёвий далиллар заргарлик буюмларини 70 901 донага кам ҳисоблаган. Айни дамда ушбу буюмларнинг тақдири номаълумлигича қолмоқда.

«Шу масала юзасидан судга мурожаат этиб, Россия ФХХ 3-тергов бўлимининг бошлиғидан «Алтин» савдо марказларидан мусодара қилинган барча қимматбаҳо маҳсулотларни қайтариб олишни ва шу йўл билан уларни мусодара қилинган маҳсулотларни қайтариш жараёнида йўл қўйилган қонунбузарликни тўғрилашга мажбурлашини сўрайман», — қўшимча қилди у. Адвокат шикоят 14 март куни Москванинг Лефортовский судига келиб тушишини айтиб ўтган.