Samsung ва LG компаниялари OLED-панеллар ишлаб чиқаришда ўз сайъ-ҳаракатларини бирлаштирмоқчи

Технология 12 Март 2016 668

Жанубий Кореянинг LG Display ва Samsung Display компаниялари бозорнинг турли сегментларида бир-бирига азалий рақобатчилар ҳисобланади, бироқ компаниялар хитойлик ишлаб чиқарувчилар томонидан ёпирилаётган "ҳайбатли куч" туфайли ўз сайъ-ҳаракатларини бирлаштиришмоқчи. The Korea Times нашрининг хабар беришича, LG компаниясининг бош директори Хэн Сэнь-бяом рақобатчиси Samsung’ни OLED-панеллар сегментида ҳамкорлик қилишга таклиф қилди.

LG раҳбарининг таъкидлашича, Samsung Display албатта бу таклифни қабул қилади ва бу фақатгина вақт масаласидир. LG’нинг ўзи эса телевизорлар учун катта OLED-панеллар ишлаб чиқариш учун 4 трлн вон (3,3 млрд доллар) инвестиция қилмоқчи. Пажу шаҳрида қурилаётган, OLED-панеллар ишлаб чиқарувчи P10 заводи дунёда бундай турдаги энг катта завод бўлади. Бу ерда биринчи панеллар 2018 йил июнида ишлаб чиқарилиши бошланади. Пажуда нафақат компаниянинг ўз эҳтиёжлари, балки Apple каби номдор компаниялар учун ҳам кичик ва йирик OLED-панеллар ишлаб чиқарилади.

Охирги вақтгача Samsung катта OLED-панеллар ишлаб чиқаришга катта маблағлар сармоя қилишдан хавфсираётганди ва смартфонлар учун кичик панеллар ишлаб чиқариш билангина кифояланаётганди. Бироқ икки компания биргаликдаги сайъ-ҳаракатлар ҳисобига катта ютуқларга эришишлари мумкин.

Кўпроқ янгиликлар