Сурияда сиёсий ўтиш фақатгина Башар Асад мамлакат президенти лавозимидан кетсагина бошланиши мумкин, деб айтди Сурия муҳолифати. Бу ҳақда Reuters ахборот агентлиги хабар берди. 

"Биз ўтиш даври Башар Асад қулагандан ёки унинг ўлимидан кейин бошланади, деб ҳисоблаймиз", деб айтди Женевада журналистларга мухолифат томондан музокаралар олиб борувчи Муҳаммад Аллуш. Бу ерда 14 мартда Сурия бўйича тинчлик музокараларининг янги раунди бошланиши керак.

"Бу тузум ҳукмронлик қилаётган ёки бу тузум раҳбари ҳокимиятга эга бўлган вақтда бу даврни бошлашнинг ҳеч қандай имконияти йўқ", деб қўшимча қилди Аллуш.