Ёш ўзбек киноактёри ва режиссёр Азамат Аҳроров Болливуддаги студиялардан бири билан ҳамкорлик шартномаси имзолангани ҳақида маълумот берди.

“Сабо” газетасига берган интервьюси чоғида бу ҳақида гапириб, 3 ёшидан бери спорт билан шуғулланиши, бокс ва карате бўйича Ўзбекистон чемпиони бўлганини айтар экан, актёрлар ўз қад-қоматига эътибор бериши шарт эканини билдирган.

“Яқинда Болливуд студиялари билан шартнома имзоладим. У ердаги студияларнинг бирида амакимнинг ўғли Муҳиддин Саттов агент бўлиб ишлайди. Унинг ёрдамида шартнома шартларини кўриб чиқдим. Ўша шартномага кўра, актёр бодибилдинг спорти билан шуғулланган бўлиши, рақс ижро эта олиши ва тилни билиши шарт экан. Ҳозир шунга ҳаракат қилаяпман. Бизда ҳам актёрларга шу каби талаблар қўйилса, яхши бўларди”, деган у.

Шунингдек, у актриса Шаҳзода Муҳаммедова билан муносабатлари жиддий эканини ҳам тасдиқлади.

Клипларда кам суратга тушиши борасидаги саволга “Ўша арзимас пуллар учун юзимни сотгим келмайди”, деб жавоб қайтарган ёш актёр.