Покистоннинг шимоли-ғарбидаги кўмир шахтаси қулаб тушди. Associated Press агентлиги хабарига кўра бир неча кун давом этган ёмғирдан кейин рўй берган фалокат туфайли 8 киши ҳалок бўлгани тасдиқланган, шунингдек 4 киши бедарак кетган.

Маҳаллий маъмурият расмийси Дўст Муҳаммаднинг айтишича, Ўразкай вилоятидаги бу шахтадаги фалокатдан кейин 29 кончи қутқариб олинган. Айни вақтда ҳудудда кучли ёмғир давом этмоқда.

Бошқа бир маҳаллий амалдор Латифур Раҳмоннинг айтишича, мамлакатнинг бошқа ҳудудларида ҳам кучли ёмғирлар ёғиши кузатилмоқда ва бу табиат ҳодисаси уй ҳамда деворларни бузиб юбориши туфайли 2 кун ичида 7 киши ҳалок бўлган.