Туркияда стол футболига 48 йил давом этган тақиқлов расман бекор қилинди. Бу ҳақда ОАВлар маълум қилди. 

Январда мамлакат Конституцион суди ушбу ўйинни тақиқланган спорт турлари рўйхатидан чиқариб ташлади. Суд стол футболи жисмоний малакаларга асослангани, иш ёки оилага ёмон таъсир қилмаслиги, шунингдек, мияни яхшилаши ҳақидаги фикрга келди.  

Туркия божхона ва савдо вазирлиги бу ўйинни сотишга тақиқловни бекор қилди. Аввалроқ стол футболи учун ускуналар ишлаб чиқариш ёки уларни мамлакатга олиб кириш тақиқланган, ушбу ўйинда иштирок этганларга 5 йилгача қамоқ жазоси хавф солган.

Туркияда қимор ўйинлар қатъий тартибга солинади. Мамлакатда пинбол ва  рулетка ўйинлари ҳам тақиқланган. Конституцион суд бу ўйинларни ҳам жиноят сифатида таснифланишини тўхтатиш кераклиги ҳақида фикр билдирган.