Анқара суди 13 мартда Анқарада содир этилган теракт суратлари ижтимоий тармоқларда пайдо бўлгандан кейин Facebook, Twitter ва бошқа сайтларга киришни тақиқлаш ҳақида қарор чиқарди. Бу ҳақда Reuters ахборот агентлиги маҳаллий ОАВга иқтибос келтирган ҳолда хабар берди.

Туркиялик баъзи фойдаланувчилар сайтларга киришда муаммоларга дуч келаётганларини айтишган. Таъкидланишича, ўтган йили Туркияда Twitter’да жангарилар прокурорни нишонга олиб турган сурат чоп этилгандан кейин бу ижтимоий тармоққа кириш тақиқлаб қўйилганди.