Айрим пайтларда тасодифан ёки қасддан даромад солиғининг кўпроқ ушлаб қолиш ҳолатлари кузатилади. Ана шундай вазият маблағни қайтаришнинг қонуний чоралари белгиланган. Бу ҳақида Давлат солиқ қўмитаси раис ўринбосари Одилхон Рустамов “Даракчи” нашрида маълум қилди.

“Солиқ кодексининг 56-моддаси 1-хатбошига асосан солиқнинг бюджетга тўлангани ҳамда тўлаш учун ҳисобланган суммаси ўртасидаги ижобий фарқ солиқнинг ортиқча тўланган суммаси деб, эътироф этилади ва ортиқча тўланган сумма солиқ қарзини қуйидаги кетма-кетлик ҳисобига қопланади:

-солиқнинг мазкур тури бўйича пеня ва жарималарни узиш;
-бошқа турдаги солиқлар бўйича қарзни узиш;
-бошқа турдаги солиқлар бўйича пеня ва жарималарни узиш;
-мазкур солиқ бўйича келгуси тўловлар;
-бошқа турдаги солиқлар бўйича келгуси тўловлар ҳисобига қопланади.

Шундан сўнг ортиқча тўланган солиқларнинг қолган суммаси Солиқ кодексининг 57-моддасига асосан солиқ тўловчининг банкдаги ҳисоб варағига пул маблағларини ўтказиш орқали қайтарилади”.