Россия пойтахти Москва шаҳрида иқлим барқарор бўлади, лекин ой охиригача иссиқ кунлар кузатилмайди. Бу ҳақда "Фобос" метеорология маркази мутахассиси Евгений Тишковец «Русской службы новостей» телеканали эфири орқали маълум қилган.

У аҳолини иссиқроқ кийинишга чақирган ва олдинда шимол шамоллари кутиб турганидан огоҳлантирган.

"Биз Россияда яшаймиз. Бу дунёдаги энг совуқ ўлка. Март ойи биз учун баҳор ойи эмас. Ҳарорат пасаяди", деган у.

Қайд этилишича, ойнинг қолган кунларда Россия пойтахтидаги совуқ ҳарорат даражаси фақат Улан-Батор (Мўғилистон) ва Остона (Қозоғистон) шаҳарларидагидан ортда қолади. 27 март куни эса шаҳарда илиқ кунлар бошланиши айтилган.

Евгений Тишковецнинг айтишича, ҳозирда Москвада "Арктикадан келган совуқ масса" тўпланган. Жорий ҳафтанинг иккинчи ярмида қор бўронлари кузатилиши мумкин.

Ҳафта охирида Москвада кучли шамол ва бўронлар юз бериб, кечалар музлаш кузатилади.