Туркия бош вазири Аҳмад Довудўғли 13 март куни мамлакат пойтахти Анқара шаҳрида содир этилган терактлар туфайли Иорданияга уюштириши керак бўлган сафарини қолдирган. Бу ҳақда "ХаберТурк" нашри маълумот тарқатган.

Вазир 15 март куни Иорданияга бориши кутилаётганди. Бу сафарнинг қолдирилгани ҳақида расмий хабар берилмаган.

Эслатиб ўтамиз, 13 март куни маҳаллий вақт билан соат 18:43да (Тошкент вақти билан соат 21:45) Анқара марказидаги Отатурк кўчасида, Қизилой майдони ва Гувен-парк ҳудудида портлаш содир бўлди. Охирги маълумотларда бу портлаш туфайли 34 киши ҳалок бўлгани ва 120дан ортиқ киши жароҳатланган ҳолда шифохонага ётқизилгани айтилган. Ҳудкуш-террорчи портловчи моддалар ўрнатилган автомобилни автобус бекатига олиб келиб портлатиб юборган.

Ҳозирча бу теракт учун жавобгарликни ҳеч қайси ташкилот ўз зиммасига олмади.