Жаҳондаги энг йирик нефть ишлаб чиқарувчиларнинг учрашуви жорий йилнинг апрель ойида бўлиб ўтади. Бу ҳақда ОПЕКдаги Bloomberg ва Reuters манбалари хабар берган.

Уларнинг сўзларига кўра, учрашув Россияда ёки Қатар пойтахтида бўлиб ўтади. Дастлаб, ушбу учрашув 20 март куни бўлиб ўтиши режалаштирилган эди, бироқ 10 март куни ушбу масала билан танишган Reuters манбаси учрашув бу санада ўтказилмаслигини маълум қилган.

Агентлик суҳбатдошининг айтишича, Эрон нефть қазиб олишни музлатиш борасидаги келишувга рози бўлмаган. ОПЕКка кирувчи йирик мутахассислардан бирининг таъкидлашича, “Эрон ҳеч нарса қабул қилмайди”.