Украинанинг Одесса вилояти губернатори Михаил Саакашвили партия тузиши мумкинлиги ҳақидаги хабарларни инкор этди. Бу ҳақда “Украинская правда” хабар берган.

“Мен Боровик билан ҳеч қандай партия тузиш бўйича гаплашганим йўқ. Ҳозир партия тузиш борасида ҳеч қандай режам йўқ. Бу гаплар рост эмас”, — дея таъкидлаган Саакашвили.

Аввалроқ Саакашвилининг ўринбосари Саша Боровик Михаилнинг гуруҳи Олий рада сайловида қатнашиш учун сиёсий партия тузишни режалаштираётгани ҳақида хабар берганди.