Шимолий Корея Манхэттенни водород бомба билан ер юзидан йўқ қилиб юбориши мумкин. Бу ҳақда The Washington Post нашри хабар бермоқда.

Нашрдаги мақола муаллифи Ким Чен Ир тузуми ўзининг техник имкониятларини бўрттириб кўрсатаётганига кўпгина асослар борлигини, бироқ Шимолий Кореянинг АҚШга таҳдиди ортиб бораётганини айтмоқда.

"Бизнинг водород бомба собиқ иттифоқда яратилгандан бир неча баробар каттароқ. Агар уни қитъалараро баллистик ракетага ўрнатиб, Нью-Йоркдаги Манхэттенга отилса, унда шаҳарнинг кули кўкка совурилади", деб айтмоқдалар Шимолий Корея вакиллари.

Шимолий Корея билан АҚШ ўртасидаги муносабатлар Вашингтон ва Сеулнинг биргаликдаги машғулотлари сабабли кескинлашиб кетди. Бунга жавобан Шимолий Корея етакчиси хавфсизлик нуқти назаридан Вашингтон ва Сеулга "адолатнинг огоҳлантирувчи ядровий зарбасини" бериш билан таҳдид қилди.