Жорий йилнинг 16—17 март кунлари Туркманистон президенти Гурбангули Бердимуҳамедов бошчилигидаги ҳукумат делегацияси расмий ташриф билан Покистон Ислом республикасида бўлади.

TDH ахборот агентлиги маълумотига кўра, бу ҳақда Туркманистон Вазирлар Маҳкамасидаги навбатдаги йиғилиш пайтида, мамлакат ташқи ишлар вазири Р.Мередов айтиб ўтган.

Бўлиб ўтиши кутилаётган юқори даражадаги учрашувда икки томонлама ва кўп томонлама муносабатларнинг турли соҳалардаги ривожи борасида музокалар бўлиб ўтиши назарда тутилган. Жумладан, Туркманистон-Афғонистон-Покистон-Эрон газ қувурини бунёд этиш каби кенг кўламли лойиҳанинг истиқболдаги режалари кўриб чиқилади.

Учрашув якунида дўстлик ва ҳамкорлик асосида қурилган икки томонлама муносабатларни янада чуқурлаштиришга қаратилган, икки давлат халқини маънавий ва маданий жиҳатдан янада яқинлаштирувчи бир қатор ҳужжатлар имзоланиши кутилмоқда.