Россиянинг “Газпром” компанияси Туркманистоннинг “Туркмангаз” компанияси билан газ сотиб олишга шартноманинг бекор қилинишига туркман компанияси томонидан шартноманинг жиддий бузилиши сабаб бўлганини айтди, деб хабар бермоқда РИА “Новости” ахборот агентлиги.

Бу ҳақда “Газпром” хабарида айтилмоқда.

“2016 йил январида “Туркмангаз” томонидан жиддий қоидабузарлик сабабли биз “Туркмангаз”ни шартномани бекор қилиш ва Туркманистондан газ сотиб олишни тўхтатиш ҳақида огоҳлантирганмиз. Биз, шунингдек, “Туркмангаз” билан нархларнинг қайта кўриб чиқилиши бўйича тафтишни бошладик”, дейилмоқда хабарда.

Россия компаниясининг 4-чорак учун ҳисоботида таъкидланишича, 2017 йил июлда Стокгольм ҳакамлик суди “Газпром”нинг “Туркмангаз”дан харид қилинадиган газ нархини қайта кўриб чиқиш бўйича талаблари бўйича суд тинглашлари ўтказади.