Кремлда Россия ҳарбий контингентининг Суриядан олиб чиқилиши мамлакат президенти Путиннинг қарори экани, бу қарор музокаралар натижаси эмаслиги айтилди. Бу ҳақда РИА Новости хабар тарқатган.

"Бу олий бош қўмондон ҳисобланадиган Россия президентининг Суриядаги контингент фаолияти якунлари бўйича қабул қилган қарори. Яъни, эришилган натижалардан келиб чиқиб, президент қўйилган асосий мақсад умуман олганда бажарилгани тўғрисидаги хулосага келди. Шунинг учун Суриядан чиқиш қарори қабул қилинди. Бу қарор музокаралар чоғида қилинган муҳокаманинг бир қисми эмас", — дея таъкидлаган Россия президентининг матбуот котиби Дмитрий Песков.

У шунингдек, Москва Сурия раҳбари Башар Асадга Россия авиагуруҳининг олиб кетилиши бўйича босим ўтказмаганини билдирган.

Путин Россия қўшинларини Суриядан олиб чиқишни бошлашга буйруқ берди

Хмеймимдаги базадан Россия ҲКК самолётларининг илк гуруҳи олиб кетилди