Россия президенти матбуот котиби Дмитрий Песков Россия ҳарбий-коинот кучларининг Суриядан олиб чиқилишига қарамасдан, Сурияда авиация ва ҳарбий базалар қолдирилишини ва ярашув тартибига амал қилинишини кузатишини айтди. Бу ҳақда РИА “Новости” ахборот агентлиги маълум қилди.

“Гап Россия гуруҳининг олиб чиқилиши бошланиши ҳақида кетмоқда, яъни Россия гуруҳи олиб чиқилади. Бироқ Ҳмаймимдаги авиация базаси ва Тартусдаги ҳарбий-денгиз базаси қолади. Бош қўмондонинг буйруғи билан бу объектларнинг ҳаво, қуруқлик ва денгиздан тўлиқ хавфсизлиги таъминланади. Бу объектлар ўт очишни тўхтатиш шартларига амал қилинишини кузатиш вазифасини бажаради”, деб айтди Песков.

Песков Суриядан қўшинларнинг олиб чиқишни бошлаш масаласи бошқа давлатлар етакчилари, жумладан Сурия президенти Башар Асад билан муҳокама қилинмаганини қўшимча қилди.

Аввалроқ Владимир Путин Суриядан қўшинларнинг олиб чиқилишига буйруқ бергани маълум қилинганди.