Қирғизистонда умумий қиймати 190 млн долларлик 16 та кичик гидроэлектр станция қурилади. Бу ҳақда Қирғизистон парламентидаги кўпчилик коалицияси йиғилишида мамлакат бош вазири Темир Сариев маълум қилди.

Сариевнинг айтишича, уларнинг умумий қуввати 188 мегаваттни ташкил қилади.

Сариевнинг таъкидлашича, “Юқори-Норин ГЭС каскади” лойиҳаси бўйича сармоячиларни қидириш бўйича ишлар олиб борилмоқда”. 2016 йилда ҳукумат энергетик хавфсизликни мустаҳкамлаш учун Тўхтагул ГЭСи реконструкцияси ва Бишкекдаги иссиқлик электр станциясини модернизация қилишни бошлашни режалаштирмоқда.

Сариевнинг айтишича, 2017 йилда Қамбар-Ота-2 гидроагрегатидан қўшимча 150 мегаватт олиш учун тайёргарлик ишлари жорий йилда бошланади.