Испаниялик теннисчи, жаҳон профессионал теннисчилар Ассоциацияси (ATP) рейтингида 5-ўринни эгаллаб турган Рафаэль Надаль ўзига нисбатан допинг қабул қилган дея айблов қўйган Франция собиқ спорт вазири Розелин Башелони судга беришини маълум қилди. Бунга собиқ вазирнинг теннисчини допинг қабул қилишда айблагани сабаб ҳисобланади. Бу ҳақда Newsweek хабар тарқатди.

"Мен 100 фоиз ҳақман. Бир неча марта менга айблов қўйилгани ҳақида эшитдим. Лекин бу сафаргиси охиргиси бўлиши керак. Шунинг учун, Башлони судга бериб, туҳмат қилишнинг оқибатини кўрсатиб қўймоқчиман. Айтишни истардимки, мен ўзимга туҳмат қилган исталган кишига қарши судлашишим мумкин", дейди Надаль.

8 март куни Башело D8 телеканалига берган интервьюсида 29 ёшли ушбу спортчининг 2012 йилда 7 ой мобайнида теннис мусобақаларида иштирок этмаганига допинг билан боғлиқ муаммолар сабаб бўлганини маълум қилганди. Лекин у ўз сўзлари учун далил келтирмаган.

"Ҳаммамиз биламизки, Надалнинг жароҳати аслида допинг-текширувнинг ижобий натижа берганида. Теннисчи бир неча ой ўйнамаганига унинг допинг-тестдаги муваффақиятсизлиги сабаб бўлган. Ҳар доим ҳам эмас, лекин тез-тез", - дея таъкидлаганди Башело.

Надаль ҳозирда Американининг Индиан-Уэллс шаҳрида бўлиб ўтадиган турнирга бор эътиборини қаратган. Мусобақадан кейин у Башелони ёлғон хабар тарқатгани учун судга беришни мақсад қилиб қўйган.