"Вольфсбург" жамоаси раҳбарияти ўз ҳужумчиси Макс Крузега 25 минг евролик жарима қўллаган. Бу ҳақда Bild хабар тарқатган.

Бунга футболчи Берлиндаги таксилардан бирида 75 минг евро миқдоридаги пулни унутиб қолдиргани сабаб бўлди. Хабар қилинишича, футболчи покер ўйнаб, жамоа футболчилари жойлашган меҳмонхонага қайтишда пул солинган сумкасини таксида унутиб қолдирган.

"Жуда кўп одамлар бунча миқдордаги пулни ушлаб кўришмаган. Биз футболчи билан суҳбат уюштирдик. Унда мен, мураббий Дитер Ҳеккинг ва Крузе қатнашди. Якунда Макс жазоланадиган бўлди. Биз унга ундан бундай ҳаракат кутмаганимизни билдирдик. Мен бу жазо унга сабоқ бўлар ва у ўзгарар деган умиддаман. Бизнинг мақсадимиз футболчиларни тўғри йўлга солиш", дейди жамоа спорт директори Клаус Аллофс.