АҚШ молия вазири Жейк Лью Россияга қарши санкциялар ишлаётгани ва Россия иқтисодиётига зиён етказаётганини айтди. Бу ҳақда РИА “Новости” ахборот агентлиги хабар берди.

“Биз санкцияларни шундай режалаштирганмизки, қўшимча эффектларни минимумга келтиришни мўлжаллаганмиз ва уларни ечимлар қабул қилиш жараёнига энг яқин одамларга йўналтирганмиз. Менинг фикримча, санкциялар жуда самарали бўлмоқда”, деб айтди Лью АҚШ конгресси вакиллари палатасининг маблағ ажратиш қўмитасидаги йиғилиш вақтида.

Лью санкциялар таъсирининг аниқ кўрсаткичларини аниқлаш мураккаблигини, бироқ нефть нархининг кескин тушиши ҳисобга олинадиган бўлса, Россия иқтисодиётига кўп нарса бирданига зиён етказаётганини қўшимча қилди.

“Ҳар ҳолда мен Россия иқтисодиёти санкциялар ишламагандаги ҳолатдан анчагина ёмон ҳолатда деб ўйлайман. Бу Россия учун анча қўшимча талофатлар етказади”, деб таъкидлаб ўтди АҚШ молия вазири.