Ёқутистонда “Оскар”га ўхшатиб ясалган кумуш ҳайкалча актёр Леонардо Ди Каприога етказилди.

Ғоя муаллифи Татьяна Егорова махсус совға Лос-Анжелесга юборилганини REGNUM агентлигига маълум қилди.

Татьянанинг сўзларига кўра, барча ОАВ ва актёрнинг мухлислари совға эгасига етиб боргани билан қизиқиб, унинг кумуш ҳайкалча билан тушган суратини кутмоқдалар.

“Оскар” тақдимоти куни (28 февралда) “Ёқутистонлик ҳайкалча” тайёр бўлган эди. Уни яратиш билан заргар Руслан Неустроев шуғулланди. Ҳажми бўйича у худди ҳақиқий “Оскар”дек. Ҳайкалча учун қимматбаҳо металлни бутун Ёқутистон бўйлаб тўплашди. Натижада, устанинг қўлига деярли бир ярим кило кумуш ва уч грамм олтин келиб тушди.