Италиянинг «Ювентус» клуби бош мураббийи Массимилиано Аллегри ЕЧЛ 1/8 финал доирасидаги «Бавария»га қарши учрашув борасида ўз фикрларини билдириб ўтди.

«Биз «Бавария»га қарши ўйинда ҳисоб ўйламасдан майдонга чиқишимиз керак бўлади. Биринчи навбатда яхши футбол намойиш этишимиз керак, кейин эса нима бўлишини кўрамиз.

«Бавария» 70 фоиз вақтда тўпни ўз назорати остида ушлаб туради. Бу уларнинг устунлиги, аммо уларнинг ҳам ожиз томонилари бор. Биринчи учрашувда бу камчиликлардан унумли фойдалана олишимизни кўрсата олдик.

Дибалада мушаклари билан боғлиқ муаммоси бор. Шунинг учун уни майдонга тушириб таваккал қила олмайман. Чунки биргина таваккал билан уни мавсумнинг қолган ўйинларидан маҳрум қилиб қўйиш мумкин. Эртага майдонга тушадиган футболчилар ичида бизга ўзига хос устунлик бериши тайин. Жароҳатлар клубнинг фалокати деган гапларни эшитиб қоламан. Фалокат ҳаётда содир бўладиган бутунлай бошқа нарса. Албатта бизга ёрдам бера олмаётган футболчилар учун афсусдамиз, бироқ бизда кучли таркиб бор ва фақатгина 2-3 нафар футболчи бу ўйинда иштирок эта олмайди.

«Бавария» «Реал» ва «Барселона» каби дунёнинг энг кучли жамоалари сафига киради. Шундай экан биз майдонга чиқиб биринчи навбатда яхши ўйин кўрсатишимиз керак. Бизни ғалаба ёки 3:3 ҳисобидаги дуранг натижа қониқтиради», – дея таъкидлади Аллегри.