Британиялик хонанда Адель ўзининг узоқ йиллик таниши Саймон Конеки билан турмуш қурган. Бу ҳақда Daily Mail хабар тарқатган.

Хонанданинг чап қўлида 2та узук пайдо бўлгани мухбирларнинг шундай шубҳаларини келтириб чиқарган. Газетада ёзилишича, бу узук унаштирув белгиси сифатида тақилган.

Бундан олдинроқ, Адель турмуш қуришга эҳтиёж сезмаётганини айтиб ўтганди.

"Эҳтимол у фикрини ўзгартиргандир", деб ёзилади газета хабарида.

Тахмин қилинишича, Конеки Рождество кунида Аделнинг қўлини сўраган. Манбада айтилишича, Адель жаҳон бўйлаб уюштираётган гастроли вақтидаги концертлардан бирида саҳна ортида ўз танишларига йигити билан турмуш қуриши ҳақида айтган.

Унинг матбуот котиби бу ҳақида изоҳ беришдан бош тортган.

Адель Лори Блю Эткинс – ҳозирги замон қўшиқчиларининг энг омадлиларидан бири ҳисобланади. Унинг «19» деб номланган илк пластинкаси (2008) унга иккита «Грэмми» мукофотини келтирган эди.