Икки ҳафталик тайёргарликлардан сўнг бугун – 16 март куни Россияда илк иглу-меҳмонхона “Горная территория” 50 нафар меҳмонни қабул қилди.

Иглу-меҳмонхонаси Петропавлоск-Камчатскийдан 70 километр узоқликда, Паратунка анҳори водийсида, Вилючинский вулқони этагида жойлашган. Меҳмонлар учун уйлар фақат қордан қурилган ва Камчатканинг шимолий туб аҳолиси миллий услубида безатилган.

Этник иглу-меҳмонхона раҳбари Виталий Лазонинг сўзларига кўра, лойиҳа муаллифлари келгусида Камчатканинг яна бир неча жойида шундай қорли-меҳмонхоналар очишни режалаштиришган, деб хабар беради РИА Новости.

Масалан, 2017 йилда “Начики” санаториясида ушбу технология асосида қорли Қор Бобо турар-жойи қурилиши мумкин.

Қорли уйчалар ички диаметри 3 дан 6 метргача бўлган икки кичик ва битта катта эскимоссча кулбалардан иборат. Минус 30 даражагача совуққа чидамли дам олиш ва ухлаш учун шароитлар яратилган. Кулбаларнинг ички ҳарорати ташқарида қандай совуқ бўлишидан қатъий назар плюс уч даража иссиқдан пастламайди.

Бундай ҳордиқ ҳаваскор-экстремалларга мўлжалланган.

Иглу-меҳмонхонанинг барча хоналари аллақачон бир неча ҳафтагача банд этилган.
Қорли уйчалар май ўрталаригача хизмат кўрсатади.