Шимолий Кореяда ҳибсга олинган АҚШнинг Виржиния штатида таҳсил олувчи талаба Отто Фредерик Вомбиер Шимолий Корея олий суди томонидан ахлоқ-тузатиш колониясида жазони ўташ шарти билан 15 йиллик қамоқ жазосига маҳкум қилинди. У “Корея халқининг бирдамлигини бузишга уринишда” айбланди.

Талаба Шимолий Кореяга 2015 йил 25 декабрда сайёҳлар гуруҳи таркибида Пекиндан келган. 1 январь кечаси у хорижий сайёҳлар учун мўлжалланган Янгакто меҳмонхонасидаги хизмат хонасига кириб, у ерда деворда осиғлиқ турган корейс сиёсий плакатини юлиб ташлаган. Америкалик ўз айбини тўлиқ тан олди ҳамда “АҚШ маъмуриятининг Шимолий Кореяга нисбатан душманча сиёсатининг қурбони” бўлганини айтди.

У бу қилмишини Бирлашган методист черкови буйруғи билан амалга оширганини айтган. “Мен ўз ҳаётимдаги энг катта хатога йўл қўйдим”, деб айтди Вомбиер судда.