Американинг Миссури штатида истиқомат қилувчи Берни Скатьери ўз турмуш ўртоғи Карланинг 400 минг долларлик никоҳ узугини тасодифан ташлаб юборди. Лекин жуфтлик бу ҳақда билиб қолиб, 12,5 каратли бриллиант узукни чиқиндихонага бориб топишган, деб хабар берди ABC News телеканали.

14 март куни Скатьери чиқиндиларни тўплаш ва қайта ишлаш ходимларини уйининг олдида кўриб қолган ва уларнинг контейнерига қоғоз сочиқларни ташлаб юборган. Аммо қоғоз сочиқларининг орасида турмуш ўртоғининг узуги ўралган бўлган.
Жуфтлик чиқинди ташувчи машина йўл олган чиқиндихонага бориб, маҳаллий бошқарув хизмати ходимлари билан бирга узукни қидиришга тушган. 25 дақиқадан сўнг узук топилган. Скатьери содир бўлган воқеани мўъжиза деб атади.