Европарламент раҳбари Мартин Шульц Ўрта Ер денгизида муҳожирлар учун орол турмалар пайдо бўлмаслигига ишончи комиллигини айтди. У бу ҳақда Брюсселда 17 мартда бошланган Европа Иттифоқи-Туркия саммитига келгандан кейин айтди.

“Фикримча, биз муҳожирларни тақсимлашнинг нормал тизимини яратишга муваффақ бўламиз”, деб айтди Шульц.

Шульц Туркия билан муҳожирлар масалалари бўйича келишувни виза тартибини эркинлаштириш эвазига тузиш Европа Иттифоқининг ўзи учун фойдали эканлигини айтди. “Бизга Туркия билан келишув керак, акс ҳолда биз мушкул вазиятда қоламиз”, деб қўшимча қилди Шульц.